Chasing Liberty

موضوع: Chasing Liberty الإثنين أكتوبر 25, 2010 5:20 pm

اليوم بعد ماشفت دعاية فيلم " تشنج ليبرتي " او مطاردة الحرية بالعربي حبيت دور عنقد لهالفيلم او اي مقالة بتحكي عنو مالئيت شي فخطرتلي فكرة يمكن مايتئبلا الكل ويمكن ماتعجبكون
حبيت نشوف كل اسبوع فيلم ونتناقش في طبعا الي بيئدر او يصحلو يشوفو يعلئ عالفيلم ويحكي شو الي عجبو بالفيلم وشو الي ماعجبو
هو فيلم رومنسي بيحكي اصة بنت رئيس الولايات المتحدة كانت حابة تسافر لحالا وتكتشف الحياة بس طبعا هالشي صعب مع وجود كتير من الحراس
مارح احكي اكتر من هيك والتعليئ الي حابب اولو انو الفيلم انتاج 2004 ومن بطولة النجمة الرائعة Mandy Moore
ماندي مور
Embarassed

الي مشانا بس رح احضر الفيلم
ماني حاضرو للفيلم الصراحة بس انشالله يكون اول فيلم بالهقسم حلو وانشالله يصحلكون ويصلحي احضرو
رح ينعرض الفيلم عا ام بي سي ماكس MBC MAX يوم الخميس الي جاية 28/ 10 الساعة 7 بتوئيت سوريا 4 غرينتش
pale

التوئيت مو كتير منيح المرات الي جاية رح نئي فيلم يكون وئتو مناسب اكتر

موضوع: رد: Chasing Liberty الخميس أكتوبر 28, 2010 9:08 pm

حضرت الفيلم والي متل ما كنت متوقع انو ما حدا يحضرو مو مشكلة بكل الاحوال راحت عليكون
الفيلم كان حلووووووووووووو وعن جد شباب جمالا Embarassed

لماندي مابيتفوت
صبايا كمان انتو حتتجاكرو وئت تعرفو انو الفيلم كان بيحكي عن مغامرة عملتا انا فوستر وئت هربت من العملاء السريين الي كانو عم يراقبوا برحلة ابواا عا اوروبا وفعلا تمكنت من الهرب منون وتصورو عا "فنيسا" عالبندقية مرة وحدة Razz

مارح تكون مفاجئة للي عم يتابعو الفيلم بانو الشخص الي هربت معو وبدون علما هو واحد من العملاء الي بيشتغلو لصالح البيت الابيض لأنو رح ينزكر هالشي بعد ماتهرب مارح احكي اكتر من هيك الفيلم كان بيستاهل انو الواحد يشوفو
بس بدون ما اعطي للفيلم اكتر من حئو هو فيلم فينا نصنفو من النوع الي جيد مو االمتاز لأنو افتقد شوي للواقعية وكانت الرومنسية الي في بالرغم من انو خفيفة وحلوة لكن خلينا نؤل نمطية واصة الفيلم كانت من النوع الجديد بس مابتعد المخرج في عن الطريئة المعتمدة بالسينما الاميركية
اما عن اداء الممسلين بالفيلم فينا نؤل عنو جيد خصوصا انو ما كان في اسماء كتير كبيرة بالفيلم يعني البطل كان شب اسمو "Matthew Goode" ماثيو غودي والي يادوب ائدرت اعرف اسمو وابوا لـ آنا فوستر صاحب دور الرئيس كان الممثل "Mark Harmon" مارك هارمون وهالشي يمكن ضعف من قيمة الفيلم
اما ماندي مور"Mandy Moore " الي ادت اداء منيح بالفيلم مع بعض التحفظات عاشوي مشاهد مابظن كانت بحاجة الون
( بس متل مابتعرفو هي هية السينما الاميركية ) فكانت خاطفة للانظار بئدها
ماضل شي غير انو نوه انو ماندي ممثلة ومغنية بنفس الوئت وعندا موهبة غنائة ممتازة
Like a Star @ heaven

هدول النجوم بمسلو تقييم الفيلم من عشرة

وشغلة صغيرة ابل ما سكر عالموضوع كان في غلط باسم الفيلم بالعربي الاسمو " تشسنغ ليبرتي " مو" تشنج ليبرتي "
انشالله الفيلم الي جاي يكون احلى من هاد وياريت الي عندو عنوان فيلم حلو حينعرض يحط اسمو وموعد عرضو ابل ما اعتمد عافيلم انا

موضوع: رد: Chasing Liberty الخميس أكتوبر 28, 2010 9:41 pm

بصراحة الموضوع عجبني كتير اخي ..eleven.. الله يعطيك العافية
فكرة حلوة كتير بس اليوم ما صحلي شوف الفلم لان وقتي شوي ضيق
بس بالمرات القادمة رح حاول احضر اي فلم رح تحطو بالمنتدى من شان نتناقش في
واكيد كلنا رح نستفيد من هل الموضوع
الله يعطيك العافية يا رب
تحياتي الحارة لك صديقي الصدوق
cheers